Azaroa-abenduan zehar Arotzaren eskuak liburua irakurri dute 1. Batxilergoko ikasleek.
Intrigazko istorio honetan ia ezagutzen ez zuen aitonak herentzian mendian galdutako etxe bat utzi dio Ane Duhalderi eta bertara abiatzen da, ordura arteko bere bizimodu grisa eten nahian. Etxean, deskubrimendu lazgarri bat egingo du, aitonaren iraganaz galdetzera behartuko duena. Misterioaren sokak Frantziako Erresistentziaraino eramango du, II. Mundu Gerraren garaian; berrogeitaka urte beranduago Europako hainbat lekutan gertaturiko hilketa sorta izugarri bat ere harrapatzen du, eta bere burua arriskuan egon litekeela sentituko du azkenik. Bordeleko polizia erretiratu batekin saiatuko da Ane korapiloa askatzen, eta beste horrenbeste egitera gonbidatzen gaitu Alberto Ladron Aranak, suspensez eta ustekabez beteriko eleberri honetan.
